SST-მ კომპანია „თბილღვინოს“ კახეთში მდებარე 6 ნაკვეთი, ჯამში 471 ჰექტარზე გაშენებული ვენახი, სრულად აღჭურვა თანამედროვე ტექნოლოგიებით - აგრო-მეტეოსადგურებით, სენსორებით და სეტყვის საწინააღმდეგო სისტემით.

 

აგრო-მეტეოსადგურებისა და სენსორების ინტეგრაცია შესაძლებელს ხდის რეალურ მონაცემებზე დაფუძნებით დაიგეგმოს აგროტექნიკური ღონისძიებები, შემცირდეს რისკები, მოხდეს რესურსების ოპტიმალური გამოყენება და ნაკლები დანახარჯით მიიღონ მაღალი ხარისხის და დიდი ოდენობით  მოსავალი. 

​

სეტყვის საწინააღმდეგო სისტემით კი ნაკვეთი სეტყვის დამანგრეველი ზიანისგან იქნება დაცული. მოწყობილობა ხმოვან-შოკურ ტალღებს გაისვრის შტორმის ღრუბლის მიმართულებით, რომელიც 15 კილომეტრ სიმაღლეს აღწევს, რითაც ხელს უშლის ყინულის კრისტალების წარმოქმნას, შეკვრას და სეტყვად ფორმირებას. პროექტის ფარგლებში 45 ჰექტრის ფართობის ვენახი იქნება დაცული სეტყვისგან.  

​

ნაკვეთზე დამონტაჟდა ავსტრიული კომპანია Metos by Pessl Instruments-ის მიერ წარმოებული სენსორული სისტემები, კერძოდ: 

 

• აგრო-მეტეოსადგურები

• ირიგაციის მონიტორინგის სისტემები

• მავნებელ-დაავადების მონიტორინგის სისტემები

 

სეტყვის საწინააღმდეგო სისტემა წარმოებულია ესპანური კომპანიის, Grupo SPAG-ის მიერ. ერთი სისტემა ეფექტურად იცავს 80 ჰექტრამდე ფართობს

​

მდებარეობა:კახეთი

კულტურა: ვაზი

მთლიანი ფართობი: 471 ჰექტარი