კომპანია SST-მ შიდა ქართლის რეგიონში, სოფელ ქიწნისში 30 ჰა-ზე ევროსტანდარტებით მოწყობილ ხეხილოვანი კულტურების სანერგეში აგრო-მეტეოსადგური და სენსორული სისტემები დააპროექტა, დაამონტაჟა და პროგრამულად გამართა.

პროექტის პირველ ეტაპზე კომპანიის ექსპერტებმა შეარჩიეს სანერგისთვის რელევანტური აგრო-მეტეოსადგური და სენსორული სისტემები, შემდგომ  ეტაპზე კი ბაღში დააინსტალირეს.​

​

სანერგეში დამონტაჟდა შემდეგი სენსორული მოწყობილობები:

• მეტეოსადგური: Vantage Pro2 (Davis Instruments);

• ნიადაგის ტენიანობის სენსორები;

• ფოთლის სისველის სენსორი.
   

​

აღნიშნული სისტემების ინტეგრაცია ფერმერს საშუალებას მისცემს უკეთ მართოს პროცესები სანერგეში და დაგეგმოს აგრო-ტექნიკური ღონისძიებები. ფერმერი მიიღებს დეტალურ ინფორმაციას:

​

• კლიმატურ მონაცემებზე (ჯამში 23 ტიპის პარამეტრი);

• 3-დან 7 დღემდე ამინდის პროგნოზზე;

• დაავადებების გავრცელების რისკების მონიტორინგზე;

• ირიგაციის ეფექტურ მართვაზე;

• აგროტექნიკური ღონისძიებების საათობრივი დაგეგმვის შესაძლებლობაზე კვირის ჭრილში და სხვა.
   

მდებარეობა: გორის მუნიციპალიტეტი, სოფელი ქიწნისი
კულტურა: ხეხილი
მთლიანი ფართობი: 30 ჰექტარი