კიდევ ერთი წარმატებული პროექტი – ამჯერად საქართველოს ფარგლებს გარეთ!

SST-მ სომხურ-ფრანგული საერთაშორისო ჰოლდინგის დაკვეთით მნიშვნელოვანი პროექტი განახორციელა სომხეთში, რომლის მიზანი არაგაცის მთაზე სამთო-სათხილამურო კურორტის განვითარებაა. პროექტის ფარგლებში, ზღვის დონიდან 1900, 2400 და 2600 მეტრ სიმაღლეზე მეტეოსადგურები დამონტაჟდა.

კლიმატური მონაცემების ანალიზის საფუძველზე, პირველ ეტაპზე დაგეგმილია:

• საბაგირო ხაზებისა და სათხილამურო ბილიკების ოპტიმალური განლაგების განსაზღვრა;

• ინფრასტრუქტურული ობიექტებისთვის შესაფერისი ადგილების იდენტიფიცირება;

• სხვა მნიშვნელოვანი საინჟინრო გადაწყვეტილებების მიღება.

კურორტის ფუნქციონირების ეტაპზე,ონლაინ რეჟიმში მიღებული მეტეომონაცემები და ამინდის პროგნოზი ხელს შეუწყობს:

• ხელოვნური გათოვლიანების ოპტიმალური დროის განსაზღვრას;

• უსაფრთხოების ზომების ეფექტურ დაგეგმვას;

• დამსვენებლებისთვის უსაფრთხო და კომფორტული გარემოს შექმნას.

მომავალში დაგეგმილია მეტეოსადგურის დამატება ზღვის დონიდან 3300 მეტრზე, ასევე სენსორული სისტემების დანერგვა, რაც კურორტის ფუნქციონირებას კიდევ უფრო გააუმჯობესებს. სენსორების მეშვეობით შესაძლებელი იქნება:

• თოვლის სიმაღლის მუდმივი მონიტორინგი;

• თოვლისა და ყინულის დატვირთვის კონტროლი ბაგირებზე, შენობებსა და ელექტროგადამცემ ხაზებზე;

• ჰაერის დაბინძურების დონეების შეფასება.
   

მოცემული ტექნოლოგიებით უზრუნველყოფილი იქნება უსაფრთხო, კომფორტული და ხანგრძლივი ტურისტული სეზონი არაგაცის მთაზე!

​

მდებარეობა: სომხეთი, არაგაცის მთა​