კახეთის რეგიონში მდებარე 50 ჰექტარი კაკლის ბაღი მართვის თანამედროვე, ციფრულ სისტემაზე გადავიდა. პროექტი კომპანია SST-მ განახორციელა, რომელმაც მეურნეობა ავსტრიული ბრენდის, METOS by Pessl Instruments-ის უახლესი აგრო-მეტეოსადგურებითა და ირიგაციის მართვის სისტემებით აღჭურვა.

ჭკვიანი ტექნოლოგიები ეფექტური მეურნეობისთვის
აგრო-მეტეოსადგური და სენსორული სისტემები თანამედროვე აგრობიზნესის განუყოფელი ნაწილია. ინტეგრირებული სენსორების დახმარებით, ფერმერს ეძლევა შესაძლებლობა, ზუსტად მართოს პროცესები და დაგეგმოს აგროღონისძიებები კლიმატური ცვლილებების მიუხედავად.

სისტემის ძირითადი შესაძლებლობები:
დაავადებების მართვა და პროგნოზი: ტექნოლოგია იძლევა შესაძლებლობას, რეალურ დროში მიიღოთ ზუსტი ინფორმაცია კაკლის 13 სპეციფიკური დაავადების გავრცელების ალბათობაზე. მონაცემების ანალიზი უზრუნველყოფს მოსავლის მაქსიმალურ დაცვას და საპრევენციო წამლობების ოპტიმალურ დაგეგმვას.
ზუსტი მეტეოროლოგიური მონიტორინგი: სადგური მაღალი სიზუსტით ზომავს კრიტიკულ კლიმატურ პარამეტრებს:

• ჰაერის ტემპერატურა და ტენიანობა;

• ქარის მიმართულება, საშუალო სიჩქარე და მოვარდნები;

• ნალექის რაოდენობა (მმ);

• დღიური ევაპოტრანსპირაცია (ETo) 

• მზის რადიაცია და ნათების ხანგრძლივობა (წთ);

• Dew Point (ნამის წერტილი), VPD (ორთქლის წნევის დეფიციტი) და Delta T;

• ამინდის პროგნოზი: 3, 7 და 14-დღიანი დეტალური პროგნოზები.

რესურსების ოპტიმალური ხარჯვა: სისტემიდან მიღებული მონაცემები ფერმერს ეხმარება წყლის, სასუქისა და სხვა რესურსების რაციონალურად გამოყენებაში, რაც პირდაპირ აისახება მოსავლის ხარისხსა და თვითღირებულებაზე.

SST - ზუსტი მონაცემები თქვენი ბაღის წარმატებისთვის. მართეთ მეურნეობა ინოვაციური გადაწყვეტილებებით.

​

მდებარეობა: კახეთის რეგიონი
კულტურა: კაკალი
მთლიანი ფართობი: 50 ჰექტარი